Mugimendu artistikoen gakoak argitu eta ulertu nahi dituen kurtso teorikoa, batez ere pinturaren historiara zuzenduta, bestelako diziplina artistikoekin paralelismoak finkatuz, batez ere eskultura, arkitektura eta argazkilaritzarekin. Saioen dinamika artelanen komentarioan oinarrituko da, garai desberdinak txandakatuz eta XX. mendeko abangoardiako mugimenduei zein gaur eguneko manifestazio kulturalei arreta berezia eskainiz.

Museo eta/edo erakusketak bisitatzeko noizbehinkako txangoak antola daitezke, eta beti ere Buldain Fundazioak bere baitan dituen erakusketak eta obrak erreferentzia gisa onartuko dira.

Jarraitutasun izaeraz pentsatutako kurtsoa da, espezializazio modukoa, kurtso bakoitzak analisi eta hausnarketa maila sakonagoa eskatuko duelarik.