Erakusketa hau osatzen duten hogeita zortzi koadroetan barrena murgiltzen hasi aurretik, komeniko litzateke oroimena edo irudimena martxan jartzea, eta 69. urteko Iruñea hartara bidaia egin dugula pentsatzea. Garai hartan hirian zeuden erakustaretoetan ibiltzeak, edo/eta erakusketa honen protagonista diren hainbat margolariren tailerrak bisitatzeak, aukera emanen liguke lan hauek garai hartan, hamarkada zail eta asaldatu hartan, beste errealitate bat posible zelako susmoa izan nahi zuen garaian jaio ziren lanak ikusteko. susmoa izan nahi zuen garaian jaio ziren lanak ikusteko. Iruñea 69 denboran bidaia egiteko parada da, ez ordea malenkonia ariketa bat. Lehen aldiz sabai berdin baten azpian elkartzen diren hamabost egile hauek hemen erakusten den obraren dibertsitateak pentsatzera emango lukeena baino askoz ere ezaugarri komun gehiago izan zituzten. Hiri bat eta garai bat konpartitu zituzten, pinturarekin bizitzeko apustua egin zuten eta behar zen denbora guztian gogo bizi horrekin aurrera